علم الجزائر

علم الجزائر
ابيض احمر و اخضر يا اسيادي
الوان علم الجزائر نفخر بيه و نادي
اخضر جنة بلادي احمر دم شهدائي
الابيض لون الطهارة من بعيد ظاهر و بادي
في وسطو هلال و نجمة كي الوردة الحمرة تلالي
مع الاخضر و الابيض يشكلولي علم بلادي
وين نروح نهزك ترفرف عالي
و على قسما نرفعك في الاعالي تنادي
انت علم الجزائر يا علم بلادي
نحبك من قلبي و هدا حب عادي
ورثت حبك و تعلمتو من اجدادي
و نخليه ميراث للاجيال و لاولادي
علمي مكانك في قلبي عزيز و غالي
نعلقك في مناسباتي و افراحي و اعيادي
نحب العلم و نحب الجزائر بلادي
و لازم نعلم حب العلم و الوطن لاولادي
كل البلدان في العالم يميزها علم
و علم الجزائر و بلدي رمز لتحدي الاعادي
يا علم كينشوفك في بلد غير بلدي نفرح
ننسى الالم و نحسك تونسني في بعادي
نحطك في قلبي يا علمي و نديرك وشم
و اللي يفرط فيك ما هو انسان عادي
لازمني نحافظ عليك في رموش عيني نخبيك
باه تبقى ترفرف ديما في الاعالي
نرفد قلم نرسمك و نخدمك بالايادي
و نساهم في فكرة علم في كل دار من ديار بلادي
الجزائر اولا الجزائر ثانيا الجزائر ااااااااااااااااااااااااخراااااااااا